ШұғылҚазақстанда коронавирусты қайта жұқтыру бойынша 800-ге жуық жағдай тіркелді

«Алматыда дәрігерлер ақысыз демалысқа жіберілуде»: әкімдік ақпаратты жоққа шығарды

Басқармадағылар тек өтініш жазғандар ғана ақылы еңбек демалысына кеткенін айтты

Azattyq Rýhy / Алиакпар Қадырбаев

Қазақстандықтар Telegram мессенджерінде тараған «Алматыда дәрігерлер мен медперсонал ақысыз демалысқа жіберілуде» деген хабарламаны талқылап жатыр. Хабарлама авторының айтуынша, жұмыс орындарында тек COVID-госпитальдерде жұмыс істеуге келіскендер ғана қалған. Алайда, Алматы қаласы қоғамдық денсаулық басқармасындағылар бұл ақпаратты жоққа шығарды.

«Жалған ақпарат. КВИ-ға қайта бейімделген ауруханаларда тек өтініш жазғандар ғана ақылы еңбек демалысына кетті. Қалған дәрігерлер инфекциялық бөлімшелерде жұмыс істеу үшін сараланған түрде қайта бөлінді», – деп хабарлады ведомстводан.

Басқармадағылардың мәліметінше, Алматыда ЖРВИ, пневмония және КВИ белгілері бар азаматтардан 300-ге жуық шақырту тіркеледі. 31 наурызда Алматыда бұған COVID-19 жұқтырғандарды жатқызу үшін қайта жабдықталған HALYK ARENA спорт кешені қайта іске қосылды. Кешен 1000 төсек-орынға есептелген. Онда жағдайы орташа болған коронавирус инфекциясын жұқтырғандар жеткізіледі.