Атырауда 800 медқызметкер коронавирусқа қарсы вакцина салдырды

Атыраулық медицина қызметкерлері коронавирусқа қарсы вакциналаудың алғашқы қорытындысын шығарды, деп хабарлайды Azattyq Rýhy «Ақ Жайық» басылымына сілтеме жасап.

1 ақпаннан 5 ақпанға дейін облыста денсаулық сақтау жүйесіндегі позициясына сәйкес ауру жұқтыру қаупі жоғары деп саналатын 800-ге жуық медицина қызметкері екпе салдырды.

«Екпе алғандар үш күн бойы дәрігерлердің бақылауында болады. Вакциналаудан кейін ауруханаға жатқызу жағдайы тіркелген жоқ», - деп хабарлады Денсаулық сақтау басқармасының баспасөз қызметі.

Дозаның келесі партиясы келген кезде полиция қызметкерлеріне, әскери қызметшілерге, педагогтарға және жоғары тәуекел тобына жататын басқа мамандықтардың өкілдеріне кезек келеді.