Қазақстандықтар қоғамдық көлікке қарағанда таксимен көбірек жүреді

Автокөлік және қалалық электр көлігі кәсіпорындарының бір жылдық кірісі 2019 жылдың қаңтар-қазан айларында 204 миллиард теңгеден 222 миллиард теңгеге дейін өсті, деп хабарлайды Azattyq Rýhy тілшісі energyprom.kz – ке сілтеме жасап.

Ал автобустық парктердің табысы өткен жылғы көрсеткіштертерден 5% төмен.  

Жолаушылар тасымалы секторындағы маңызды үлесті автобустар алады, ол 74,7 миллиард теңге табысты құрайды. Дегенмен автобустардың үлесі 92,4%-дан 88,3%-ға қысқарған.

Ал, такси қызметінің үлесі, керісінше 1,2%-дан 3,9%-ға дейін өскен. Осылайша таксопарктер табысы 2019 жылдың қаңтар-қазан айларында 3,3 миллиард теңгені құрады.