Ыстамбұлдан ұшып келген 2 қазақстандықтан коронавирус анықталды

19 желтоқсанда Қазақстан аумағына Германия, Швейцария, Мысыр, Түркия, БАӘ, Ресей, Беларусь, Қырғызстан және Өзбекстан елдерінен 18 халықаралық әуе рейспен 2 008 қазақстандық ұшып келді.  Оның ішінде теріс нәтижесі бар ПТР-анықтамамен 1 771 адам, анықтамасыз 237 адам келген. Бұл туралы Санитариялық-эпидемиологиялық бақылау комитетінің баспасөз қызметі хабарлайды.

• Алматы әуежайына – 13 рейс (1 331 жолаушы, анықтамамен – 1 183, анықтамасыз – 148);
• Нұр-Сұлтан әуежайына – 4 рейс (499 жолаушы, анықтамамен - 438; анықтамасыз – 61);
• Қостанай әуежайына – 1 рейс (178 жолаушы, анықтамамен - 150; анықтамасыз – 28).

Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда нәтижесін күтуде.

18 желтоқсанда тиісті анықтамасыз ұшып келген 210 қазақстандықтың екеуінен ПТР-талдау нәтижесі бойынша коронавирус анықталған. Олар Нұр-Сұлтан қаласына Ыстамбұлдан ұшып келген.