Биыл 11 мыңға жуық этникалық қазақ оралман мәртебесін алды

1 қазандағы жағдай бойынша, 10,9 мың адам тарихи отанына келіп, оралман мәртебесін алды. Жалпы, 1991 жылдан бері республикаға 1 миллион 68,3 мың этникалық қазақ оралды. Бұл туралы Еңбек және халықты әлеуметтік қорғау министрлігінің баспасөз қызметі хабарлайды.                                                             

Қазақстанға оралған қандастардың жартысынан көбі (56,9%) Қытайдан, 27,7% – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден

Олар негізінен Алматы (53,1%) және Маңғыстау (13,2%) облыстарына, сондай-ақ Нұр-Сұлтан (4,1%) және Шымкент қалаларына (3,3%) қоныстанды.

Келушілердің 57,2%-дан астамы еңбекке жарамды жаста, шамамен, 10,3%-ы зейнеткерлер. Қалған 32,5%-ы  еңбекке қабілетті жастан кіші.