Қазақстанға сырттан келген жолаушылардан коронавирус анықталған жоқ
Бұл туралы ҚР Денсаулық сақтау министрлігінің ресми өкілі мәлімдеді
Қазақстанда әуе қатынасы ашылғаннан кейін сырттан келген жолаушылардан коронавирус анықталған жоқ. Бұл туралы Денсаулық сақтау министрлігінің ресми өкілі Бағдат Қожахметов мәлімдеді.
24 қыркүйектегі жағдай бойынша Қазақстанға әуе көлігімен 2 127 адам келген. Оның ішінде авиажолаушылар саны – 2 008, экипаж мүшелерінің саны – 119.
«Денсаулық сақтау министрлігі Қазақстанға түрлі көлік түрлерімен келетін жолаушылар бойынша жағдайды қадағалап отыр. Қазір тек екі түрі – әуе және автокөлікпен келуде. Барлығы тексеруден өтті. 479 жолаушыда ПТР анықтамасы болды. Ешкім ауруханаға жатқызылған жоқ, өйткені, Қазақстанға келгендердің ешқайсысынан вирус анықталмады», - деді Бағдат Қожахметов брифингте.
