Елордалық оқушыларға тігін негіздері тегін оқытылады

Курсты 14 жастағы белсенді ұйымдастырды

Елордалық оқушыларға тігін негіздері тегін оқытылады

Елордалық оқушылар тігуді тегін үйренеді. Қалада «Birgemiz: Sabaq-tastyq» жобасы іске қосылды, деп хабарлайды Azattyq Rýhy тілшісі.

Тәлімгер балаларға тоқыма өнімдерін жасауға үйретеді. Олар өз кезегінде оны пайдалана алады немесе сата алады. Курсты 14 жастағы белсенді Жанель Серікова ұйымдастырды. Ол 300 мың теңге грант алып, оны әлеуметтік жобаға жұмсауды шешті. Оқыту 2-3 адамнан шағын топтарда өтеді. Сабақ аяқталғаннан кейін бала өзі жасаған өнімді алады. Өмірлік қиын жағдайға тап болған жасөспірімдерге, көпбалалы отбасылардан шыққан балаларға, атаулы әлеуметтік көмек алушыларға артықшылық беріледі. 

«Біздің жоба балалар мен жасөспірімдерді қолдауға бағытталған. 3 сағат бойы біз балаларды оқытамыз, олар төсек-орын мен маскалар тігеді. Бұл оңай және әрқашан қажет»,- деді жоба жетекшісі Жанель Серікова.

 

×
Бұл желілік ресурстың ақпараттық өнімдері 18 жастан асқан адамдарға арналған.