ШұғылCOVID-19: Өткен тәулікте 804 адамнан коронавирус инфекциясы анықталды

Алматыда 6 қыркүйекте автобустар мен метро жұмыс істейді

Ал Нұр-Сұлтанда 6 қыркүйекте автобустардың қозғалысы тоқтатылады

Алматыда 6 қыркүйекте қалалық қоғамдық көлік жұмыс істейді, деп хабарлайды Azattyq Rýhy тілшісі Instagram-дағы «Алматы Автобустары» парақшасына сілтеме жасап. 

«Құрметті жолаушылар! Ертең, 6 қыркүйекте маршруттар бұрынғы режимде жүретіні туралы хабарлаймыз», – делінген хабарламада.

Осылайша, автобустар таңғы сағат алтыдан кешкі онға дейін жүреді. Сондай-ақ, жексенбі, 6 қыркүйекте метро да жұмыс істейді.

«Алматы Автобустары» демалыс күндері қоғамдық көлік қозғалысын тұрғындардың өтініші бойынша тоқтатпау туралы шешім қабылдағанын түсіндірді.

Сонымен қатар, Нұр-Сұлтанда 6 қыркүйекте автобустардың қозғалысы тоқтатылады. CTS ақпараты бойынша, бұл дезинфекциямен байланысты.