Алматы облысында дәрі-дәрмекті қымбатқа сатқан 11 дәріхана анықталды
Көбіне сұранысқа ие жұқпалы ауруға қарсы дәрілердің құны негізсіз өсірілген
Алматы облысындағы 11 дәріханада емдік препараттар бекітілген бағадан қымбатқа сатылған, деп хабарлайды Azattyq Rýhy тілшісі 24.kz-ке сілтеме жасап.
Көбіне сұранысқа ие жұқпалы ауруға қарсы дәрілердің құны негізсіз өсірілген. Фармацевтикалық өнім сататындардың бұндай заңсыз әрекетін арнайы тексеріс жүргізген мониторингтік топ анықтады. Құзырлы мекеме өкілдері өңірдегі 150-ден аса дәрі сататын сауда орындарын аралап шыққан.
«Осы мониторингтің қорытындысы бойынша 11 хаттама толтырылды. Фармбақылау қызметкерлерімен бірлесіп, 130-дан 200 айлық көрсеткішке дейін айыппұл салынады», - деді облыстық сыбайлас жемқорлыққа қарсы іс қимыл департаментінің басқарма басшысы Асқар Садықов.
