Нұр-Сұлтан мен Үшарал арасында тұрақты әуе рейстері ашылды

«Qazaq Air» әуе компаниясы ішкі туристік бағыттар бойынша тасымалдауға сұранысты қанағаттандыру мақсатымен 20 шілдеден бастап Нұр-Сұлтан – Үшарал бағыты бойынша тұрақты рейстерді орындауды бастады. Бұл туралы Индустрия және инфрақұрылымдық даму министрлігінің баспасөз қызметі хабарлайды.

Бір бағыт бойынша билет құны - 16 000 теңге. «SCAT» әуе компаниясы орындайтын аптасына 7 рейске, «Qazaq Air»  әуе комппаниясы орындайтын қосымша 4 рейске рұқсат етілді. Қазір аталған әуе бағыты бойынша аптасына барлығы 11 рейс орындалады.

«Qazaq Air» әуе компаниясы аптаның тақ күндері: дүйсенбі, сәрсенбі, жұма және жексенбі күндері жолаушы тасымалдайды. «Bombardier» әуе кемесінің сыйымдылығы - 76-дан 86 орынға дейін.

• Нұр-Сұлтан (07:20) – Үшарал (09:20);
• Үшарал (10:00) – Нұр-Сұлтан (12:15).