Демалыс күндері солтүстік өңірлерді 35 градус аяз басады - Қазгидромет

«Қазгидрометтің» мәліметіне сүйенсек, демалыс күндері, яғни, 24-26 қаңтар аралығына Қазақстанның біраз бөлігін аяз басады, деп хабарлайды Azattyq Rýhy.

Синоптиктердің мәліметінше, алдағы күндері Қазақстан аумағындағы ауа райы Атлантика аймақтарынан жылжып келе жатқан циклон мен белсенді атмосфералық фронттардың ықпалында болады. Сондықтан, елдің басым бөлігінде оңтүстік өңірлерде қар аралас жаңбыр жауады, боран соғып, жел күшейеді.

Сондай-ақ, болжам бойынша еліміздің солтүстік өңірлері қатты аяздың ықпалында болады. Солтүстік, солтүстік-батыста түнде 35 градусқа дейін аяз түседі деген болжам бар.