Астанада екінші ауысымдағы 0-9 сынып оқушылары да онлайн оқитын болды

Ауа райы бұзылып, қалада қатты жел соққандықтан Астана мектептерінің екінші ауысымдағы 0-9 сынып оқушылары онлайн оқитын болды, деп хабарлайды Azattyq Rýhy.

Бүгін қалада қатты жел соғып, көктайғақ орнаған. Астананың жақын маңындағы елді мекендерден қалаға келетін тас жолдар жабылған.

Жалпы, «Қазгидрометтің» мәліметінше, бүгін Астанада көшпелі бұлт шығады, қар жауады, көктайғақ болады. Жел 15–20 м/с, екпіні 23–28 м/с, кей уақыттарда 30 м/с-қа дейін күшейеді. Ауа температурасы түнде және күндіз −8…−10°C, аяз болады.