Сенат пен Мәжілістің бірлескен отырысы жабық өтіп жатыр

Бүгін Елордада Парламенттің қос палатасының бірлескен отырысы өтіп жатыр, деп хабарлайды Аzattyq ruhy.

Мәжіліс пен Сенат депутаттары Үкіметтің және Есеп комитетінің республикалық бюджеттің атқарылуы жөніндегі есебін тыңдауы тиіс. Бірақ, коронавирус пандемиясына байланысты шараға журналистер қатыспайды, оның үстіне әдеттегідей онлайн-трансляция да жоқ.

«Мәжілістің баспасөз қызметі тілшілерге кейін фото, видео және пресс-релизді өздері тарататынын, жиналыстың «жабық өту себебін білмейтіндерін» хабарлады»,-  деді агенттік тілшісі.

 Белгілісі – Мәжіліс төрағасы Нұрлан Нығматулин коронавирустан емделіп жатуына байланысты бірлескен отырысқа қатысып жатқан жоқ.