Бектенов Ресей үкіметінің төрағасымен кездесті - күзде Оралда ынтымақтастық форумы өтеді
Михаил Мишустин екеуі сауда-экономикалық мәселелерді талқылаған
Қазақстанның премьер-министрі Олжас Бектенов Ресей Федерациясы Үкіметінің төрағасы Михаил Мишустинмен кездесті, деп хабарлайды Azattyq Rýhy.
Үкіметтің баспасөз қызметі хабарлағандай, былтыр екі ел арасындағы өзара сауда $27,8 млрд-қа жеткен. Ал 2025 жылғы қаңтар-мамырда $9,6 млрд-қа жеткен.
«Мемлекеттер басшыларының тапсырмасы бойынша біз өзара сауда көлемін $30 млрд-қа дейін ұлғайту бойынша мақсатты жұмыс жүргізіп жатырмыз. Инвестициялық ынтымақтастықта зор мүмкіндіктер бар. Жалпы, екіжақты өзара іс-қимыл мәселелерінің кең ауқымын шешуде ынтымақтастық жөніндегі үкіметаралық комиссияның тиімді қызметін атап өткім келеді», – деді Олжас Бектенов.
Олар биыл күзде Оралда өтетін Қазақстан мен Ресейдің XXI Өңіраралық ынтымақтастық форумының дайындық барысына ерекше назар аударған.
