Қазақстан Ираннан 109 азаматын аман-есен қайтарды (ФОТО)
Олардың тоқсанға жуығы Түрікменстан арқылы, жиырмасы Әзербайжан арқылы келген
Таяу Шығыстағы жағдайдың шиеленісуіне байланысты Қазақстан Иран Ислам Республикасының аумағынан 109 азаматын эвакуациялады, деп хабарлайды Azattyq Rýhy.
Бұл туралы сыртқы істер министрлігінің баспасөз қызметі ресми түрде мәлімдеп, әуежайдан сурет таратты.
89 адам Түрікменстан, 20 адам Әзербайжан арқылы келген
Сыртқы істер министрлігі құзыретті мемлекеттік органдар мен шетелдегі дипломатиялық қызметтердің арқасында Қазақстан109 азаматын аман-есен қайтарған.
«Олар достас мемлекеттерінің аумақтары арқылы транзит арқылы эвакуацияланды, атап айтқанда 89 адам Түрікменстан арқылы және 20 адам Әзербайжан арқылы Ираннан эвакуациялады», - деп хабарлайды сыртқы істер министрлігі.
Сыртқы істер министрлігі Иран, Түрікменстан және Әзербайжан билігіне қазақстандықтардың бүкіл бағыты бойынша қауіпсіз және уақтылы өтуін қамтамасыз еткені үшін ризашылығын білдіреді.
Қазақстанның 200 азаматы көмек сұрап хабарласқан
Жалпы, дереккөзге сүйенсек, шиеленіс басталғаннан бері Иранда жүрген 200-ден астам қазақстандық консулдыққа хабарласып, көмек сұраған. Сыртқы істер министрлігі қазір Израиль Мемлекетіндегі Қазақстан азаматтарын эвакуациялау мәселесін пысықтап жатыр.
