«Парламент үкіметке сенбеді»: Португалияда мерзімінен бұрын парламент сайлауы өтеді

Португалия президенті Марселу Ребелу ди Соуза 18 мамырға кезектен тыс парламент сайлауын тағайындады, деп хабарлайды Azattyq Rýhy.

Бұл шешім Парламент үкіметке сенімсіздік білдіргеннен кейін қабылданды. 11 наурызда депутаттар премьер-министр Луиш Монтенегру басқаратын үкіметке қолдау көрсетуден бас тартты.

Саяси дағдарыс Spinumviva компаниясына қатысты жанжалдан басталды. Жергілікті БАҚ-та бұл компанияның премьер-министр отбасының меншігінде болғаны және оның мемлекеттік төлемдер алғаны туралы ақпарат тарады.

Осыған байланысты президент парламентті таратып, 18 мамырда кезектен тыс сайлау өткізуді жариялады. Бұл – Португалияда соңғы үш жылда өтетін үшінші парламенттік сайлау.