Сайлау туралы заңға Қазақстан халқы Ассамблеясының Мәжілістегі квотасын жою туралы өзгеріс енді
Нұрлан Әбдіров «Qazaqstan» телеарнасына сұхбат берді
Қазақстан Республикасы Орталық сайлау комиссиясының Төрағасы Нұрлан Әбдіров «Qazaqstan» телеарнасына сұхбат беріп, осы бағыттағы жұмыстар туралы айтқан, деп хабарлайды
Халықаралық ұйымдармен өзара іс-қимыл және ұсыныстарды ұлттық контекстке бейімдеу бағытында ДИАҚБ/ЕҚЫҰ-мен белсенді ынтымақтастық Қазақстанның ұлттық дәстүрлер мен менталитетті ескере отырып, халықаралық тәжірибелер мен заманауи технологияларды қабылдауға ұмтылысын айғақтайды.
«Халықаралық стандарттарды енгізу демократиялық принциптерді тұрақты мәдени ерекшеліктермен үйлесімді үйлестіру үшін икемділікті қажет етеді», - деді Әбдіров.
Оның айтуынша, кейбір Еуропа елдерінде халықаралық байқау институты әрдайым міндетті бола бермейтініне қарамастан, Қазақстанның бұл процеске қосылуы тәжірибе алмасуға, сайлаудың ашықтығын арттыруға және мемлекет пен қоғам арасында сенім қалыптастыруға мүмкіндік береді. Нұрлан Әбдіров сайлау процесін жетілдіру мәселелерінде Қазақстанның ЕҚЫҰ ДИАҚБ-мен белсенді өзара іс-қимылын атап өтті. Қазақстандық сарапшылар сайлауды байқау жөніндегі халықаралық миссияларға қатысады, ал ДИАҚБ ұсынымдарын ОСК үнемі талдайды. Бұл ретте, халықаралық стандарттарды енгізу кезінде ұлттық контекст, дәстүрлер мен менталитет ескеріледі.
«Мысалы, ДИАҚБ/ЕҚЫҰ ұсынымдары бойынша сайлау заңнамасына Қазақстан халқы Ассамблеясының Мәжілістегі квотасын жою туралы, қоғамдық бірлестіктер мен КЕҰ-ны байқаушылар ретінде аккредиттеу туралы, сайлау қорларына қайырмалдықтарға шектеулер енгізу туралы, сондай-ақ партиялардың Мәжіліске өтуі үшін шекті төмендету туралы нормалар енгізілді», - деді ол.
Халықаралық тәжірибеге қатысты Нұрлан Әбдіров Батыс Еуропаның дамыған елдерінде де халықаралық байқау институты әрдайым міндетті бола бермейтінін атап өтті. Ол сондай-ақ Еуропарламент депутаттарын сайлауда халықаралық байқау институты алғаш рет енгізілген Венгрияға бару тәжірибесімен бөлісті, ал Қазақстан ОСК өкілдері өз кезегінде осы елде халықаралық байқаушылар ретінде алғаш рет қатысты. ОСК төрағасының айтуынша, мұндай сапарлардың басты мақсаты жаңа тәжірибені зерделеу және оны Қазақстанда қолдану мүмкіндіктерін іздеу.
