Суретші Ассоль Путин Ресейден Қазақстанға ұшып келгенше сурет салып отырған (ВИДЕО)
Ресей президентін әуежайдан Қасым-Жомарт Тоқаевтың өзі қарсы алды
Мемлекет басшысы Қасым-Жомарт Тоқаев Қазақстанға мемлекеттік сапармен келген Ресей Федерациясының Президенті Владимир Путинді елорда әуежайынан қарсы алды, деп хабарлайды Azattyq Rýhy.
Ақорда Путинді қарсы алу салтанатының бірқатар ерекше тұсын атап, бейнежазба көрсетті. Мәселен, дереккөзге сүйенсек, Путинді күтіп алу үшін әуежайда Құрмет қарауылы сап түзеген. Әуеде ұшақтар Ресейдің туын салу үшін, аспанға бояу шашып ұшқан.
«Кәсіби суретші Әсел Сабыржанқызы (Ассоль) Владимир Путин Астанаға ұшқан сәтте сала бастаған картинасын таныстырды. Ол сондай-ақ Тоқаев пен Путинге полотноны жазуға үлес қосуды ұсынды. Картина Ресей Президентіне сапар соңында сыйланады», - деп жазды Ақорда.
