Назарбаевтың Маргарет Тетчерге таққан ордені 8 млн теңгеге сатылғалы жатыр

Экс-президент Нұрсұлтан Назарбаевтың Ұлыбританияның бұрынғы басшысы Маргарет Тетчерге таққан Достық ордені сатылымға шықты. Сирек кітаптар сататын сайтта ол 12 500 фунтов стерлингке, яғни, 7,9 млн теңгеге бағаланған, деп хабарлайды Azattyq Rýhy.

Бұл орден 2001 жылы Маргарет Тетчерге екі ел арасындағы достық пен ынтымақтастықты нығайтуға ciңipreн еңбегі үшін берілген.

Жұлдыз тәрізді орден бағалы тастармен көмкерілген, мойынға тағатын бауы бар. Ақ атласпен астарланған орден көк қобдишада тұр. Орденде «Достық» деген жазу бар. Жанында кітапшасы да бар деп сипатталады сайтта.

Достық ордені – 1995 жылы белгіленген Қазақстанның лауазымды марапаты. Достық орденімен Маргарет Тетчерден басқа, АҚШ президентіне кандидат болған Хиллари Клинтон, БҰҰ-ның бұрынғы Бас хатшысы Пан Ги Мун және Сингапурдың тұңғыш премьер-министрі Ли Куан Ю сияқты тұлғалар марапатталған.