Тоқаев Ұлттық қауіпсіздік комитеті төрағасының екі орынбасарын тағайындады

Марат Жұмабаев қосымша Сыртқы барлау қызметін басқарады

Фото: t.me/bort_01

Президент Қасым-Жомарт Тоқаевтың Жарлығымен Ұлттық қауіпсіздік комитетінің төрағасы Ермек Сағымбаевтың екі орынбасары тағайындалды, деп хабарлайды Azattyq Rýhy.

«Мемлекет басшысының өкімімен Марат Қабиденұлы Жұмабаев Қазақстан Республикасы Ұлттық қауіпсіздік комитеті Төрағасының орынбасары – Сыртқы барлау қызметінің директоры лауазымына тағайындалды. Мемлекет басшысының өкімімен Алмас Тілепбергенұлы Наймантаев Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды», - деп хабарлады Ақорда.

Айта кетейік, өткен аптада Тоқаев осы қызметтерді атқарған Руслан Сейсембаев пен Асқар Әмірхановты қызметінен кетірген еді.

Мақалада

#Қасым-Жомарт Тоқаев #саясат #ақорда #ҚР ҰҚК #тағайындау

Алдыңғы жаңалық

Тоқаев Сауд Арабиясы Корольдігінің ұлттық мейрамына орай құттықтау жолдады