Қазақстан ағылшын тілін меңгерудің әлемдік рейтингісінде Қырғызстан мен Өзбекстаннан артта қалды

Ағылшын тілін меңгеру деңгейі бойынша Қазақстан ағылшын тілін оқыту жөніндегі 2023 жылғы EF Education First  халықаралық білім беру орталығының рейтингіне сәйкес, тізімде 104-ші орында тұр, деп хабарлайды Azattyq Rýhy.

Өзбекстан рейтингте 93-ші, ал Қырғызстан 90-шы орынға ие болды. Ресей 41-ші орында, Иран 58-ші, Түркия 66-шы орында болса, Грузия 32, Армения 48-ші орынға жайғасқан.

Авторлардың пікірінше, ағылшын тілінде Нидерланды, Сингапур және Австрия халқы жақсы сөйлейді. Конго демократиялық республикасы мен Тәжікстанда ағылшын тілінде ең нашар сөйлейтін халық жиналған. Есеп 113 елдегі 2 миллион ересек адамның сауалнама нәтижелеріне негізделген.