ҚХР Төрағасы Қазақстанды пайдалы қазбаларды өндіру мен энергетика саласында ынтымақтасуға шақырды

Қытай Халық Республикасының Төрағасы Си Цзиньпин Қытай мен Қазақстанның экономикасы құрылымы бойынша бір-бірін толықтыратынын айтып, өзара тиімді ынтымақтастықтың артықшылықтарын барынша пайдалануға шақырды, деп хабарлайды Azattyq Rýhy.

«Қазақстанның экономикалық бағытын ілгерілетумен қатар, «Бір белдеу және бір жол» бастамасын бірлесіп іске асыруды жандандырамыз, Қытайдың даму мүмкіндіктерін бірлесіп пайдалану үшін қазақстандық тауарлардың алып Қытай нарығына қолжетімділігін кеңейтеміз. Сауда және экономика, өнеркәсіп, инвестиция, энергетика, пайдалы қазбаларды өндіру және ауыл шаруашылығы сияқты дәстүрлі салаларда ынтымақтастықты арттыру, шекара өткелдерінің өткізу қабілетін арттыру, Қытай-Еуропа жүк поездарына қызмет көрсетуді жақсартуға және көліктік өзара байланыстың тармақталған және жоғары тиімді желісін жетілдіру мақсатында Транскаспий халықаралық көлік маршрутын (ТМККК) салуға жәрдемдесу қажет», - деді ол Қазақстанның бұқаралық ақпарат құралдарына арнап жазған авторлық материалында. 

Сондай-ақ, Қытай мемлекет басшысы энергияның жаңа көздерін, цифрлық экономиканы, жасанды интеллект, трансшекаралық электрондық коммерцияны, авиацияны және ғарышты қоса алғанда, жоғары технологиялар салаларындағы ынтымақтастықтың әлеуетін толық көлемде іске қосу, қосылған құны жоғары өндірістік-өткізу тізбектерін дамыту, екі елдің ынтымақтастығына қосымша серпін беру маңызды екенін атап өтті.

Бұған дейін хабарланғандай, 2-4 шілде күндері Президент Қасым-Жомарт Тоқаевтың шақыруымен Қытай Халық Республикасының Төрағасы Си Цзиньпин Қазақстанға мемлекеттік сапармен келеді. Ол сондай-ақ, Шанхай ынтымақтастық ұйымына мүше мемлекеттер басшылары кеңесінің 24-ші отырысына қатысады.