Ұлттық статистика бюросына жаңа басшы тағайындалды

Мемлекет басшысының өкімімен Мақсат Қайратұлы Тұрлыбаев Қазақстан Республикасының Стратегиялық жоспарлау және реформалар агенттігінің Ұлттық статистика бюросының басшысы лауазымына тағайындалды, деп хабарлайды Azattyq Ruhy.

Мақсат Тұрлыбаев 1987 жылы 5 сәуірде дүниеге келген. 2008 жылы КИМЭП (экономика бакалавры), 2013 жылы Сеул ұлттық университетін (Мемлекеттік басқару магистрі) бітірген. Президенттік жастар кадр резервінің мүшесі болып табылады.

Мансабы:  

•     ҚР Экономика және бюджеттік жоспарлау министрлігі Инвестициялық саясат және жоспарлау департаментінің сарапшысы, бас сарапшысы (11.2008-10.2011);
•    ҚР Экономикалық даму және сауда министрлігі Мемлекеттік міндеттемелерін басқару және қаржы секторын дамыту саясаты департаменті басқармасының бас сарапшысы, басшысы (10.2011-07.2016);
•     Павлодар облысы Экономика және бюджеттік жоспарлау басқармасының басшысы (07.2016-04.2020);
•     Павлодар облысы Қаржы басқармасының басшысы (04.2020-02.2021);
•     ҚР Президенті Әкімшілігінің Басшысы хатшылығының инспекторы (02.2021-06.2022);
•     ҚР СЖРА Ұлттық статистика бюросы басшысының орынбасары (07.2022 -17.11.2023).

«Ерен еңбегі үшін» медалімен наградталған.