Елбасы БҰҰ бұрынғы бас хатшысының қайтыс болуына байланысты көңіл айту жеделхатын жолдады
Бұл туралы Елбасының ресми сайты хабарлады
Елбасы Біріккен Ұлттар Ұйымының бұрынғы Бас хатшысы Хавьер Перес де Куэльярдың қайтыс болуына байланысты көңіл айту жеделхатын жолдады, деп хабарлайды Елбасының ресми сайты.
Қазақстанның Тұңғыш Президенті перулық дипломат пен саясаткер, Біріккен Ұлттар Ұйымының бұрынғы Бас хатшысы Хавьер Перес де Куэльярдың қайтыс болғаны туралы суыт хабарды күйзеліспен қабылдады.
«1991 жылы мен оның атына Қазақстанның Біріккен Ұлттар Ұйымына жаңа мүше болып қабылдануы туралы хат жібергенмін. Хавьер Перес де Куэльяр біздің еліміздің осы Ұйымға қосылу процесіне үлкен еңбегін сіңірген тұлға. Осынау азалы сәтте саясаткердің отбасы мен туыстарына, сондай-ақ Біріккен Ұлттар Ұйымындағы әріптестеріне қайғырып көңіл айтамын», - делінген БҰҰ Бас хатшысы Антониу Гутерришке жолданған жеделхатта.
