«Қажеттілігі шамалы»: Тоқаев Тұңғыш Президент туралы заңға қатысты

Мемлекет басшысы Тұңғыш Президенттің Қауіпсіздік Кеңесі мен Қазақстан халқы Ассамблеясын өмір бойы басқару туралы заңға қатысты пікір білдірді деп хабарлайды Azattyq Rýhy тілшісі.

«Бұл түсінікті нәрсе. Бұрын осындай заңдар қабылданды, қазіргі таңда олардың қажеттілігі шамалы. Оны ашық айту керек. Келешекте осындай заңдар қабылдаудың қажеті жоқ деп есептеймін. Бұрын олқылықтар болса да, бұл – біздің тарихымыз. Бәріміз тарихтан сабақ алуымыз керек. Біздің мақсатымыз – еліміздің болашағы, өскелең ұрпақтың қамы туралы ойлау. Басқа сөз жоқ», − дейді Президент.