$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
19.11.2021, 00:31
Саясат

Таяу Шығыс азаматтарының Қазақстан арқылы Беларуське ұшуына тыйым салынуы мүмкін

Бұл мәселе қазір талқылану үстінде

Таяу Шығыс азаматтарының Қазақстан арқылы Беларуське ұшуына тыйым салынуы мүмкін
Фото ашық дереккөзден

Қазақстанда Таяу Шығыстағы кейбір мемлекеттердің азаматтарына Беларуське әуе транзитімен ұшуға уақытша тыйым салу мәселесі қаралып жатыр. Бұл туралы  ҚР Индустрия және инфрақұрылымдық даму министрлігінің баспасөз қызметі хабарлады.

Айта кетейік, бұған дейін Өзбекстанда да тура осындай шектеу енгізілген болатын. Оған сәйкес, 17 қарашадан бастап Ауғанстан, Ирак, Йемен, Лива, Ливия мен Сирия азаматтарына Өзбекстан арқылы әуе транзитімен Беларуське ұшуға уақытша тыйым салынды.

Бүгінде Беларусь мен Польша шекарасында мыңдаған мигрант жиналды. Барлығы Еуроодаққа заңсыз өтіп кетуге тырысып жүр.

Осыған байланысты Польша билігі күзет шараларын күшейтті. Шекараға әскерилер тартылды.

Олар мигранттардың заңсыз өтіп кетпеуін қадағалайды. Беларусь жағында жиналғандардың арасында Ирак, Сирия мен Йемен азаматтары бар.

Серіктес жаңалықтары