АҚШ-тағы рекордтық инфляция Пентагонның алаңдаушылығын тудырды

АҚШ Қорғаныс министрлігі елдегі 30 жылдан астам уақыт ішінде қайталанбаған рекордтық инфляцияға алаңдайды. Бұл туралы Defense One порталы жазады.

Басылымның дереккөздері хабарлағандай, инфляция қарқыны Пентагон басшылығын жалақыны көтеруге және қару-жарақ құнының өсуіне дайындалуға мәжбүр етеді. Барак Обаманың президенттігі кезінде бөлімнің аудиторы болып жұмыс істеген Роберт Хэйл түсіндіргендей, жоғары инфляция кезінде мердігерлер өз қызметкерлеріне көбірек ақша төлеуге мәжбүр болады. Бұл өз кезегінде қару-жарақ бағасы да көтерілетінін білдіреді.

COVID-19 пандемиясына байланысты жеткізілім тізбегіндегі проблемаларға тап болған қорғаныс саласындағы компаниялар инфляция  кейбір келісімшарттар бойынша қару-жарақ құнының өсуіне әкелуі мүмкін деп ескертті. Сонымен бірге, Пентагонның қаржы инспекторы Майк Маккорд бұл бір түнде болмайды деп атап өтті.

Өткен аптада АҚШ-тағы тұтыну бағалары индексінің жылдық есеп бойынша 6,2 пайызға өскені белгілі болды. Бұл 30 жылдан астам уақыт ішіндегі ең жоғары өсім.