Ливия ОСК Муаммар Каддафидің ұлын сайлауға қатыстырудан бас тартты

Оның сайлаудан шеттетілу себебі әлі нақты айтылған жоқ

Фото ашық дереккөзден

Ливияның жоғарғы сайлау комиссиясы Муаммар Каддафидің ұлы Сейф аль-Ислам Каддафиді президенттік сайлауға қатыстырудан бас тартты және оның өтінішін қабылдамады. Бұл туралы РИА Новости хабарлады.

Сайлау комитеті комиссияның бірқатар бөлімшелерінің жабылуына байланысты диктатордың ұлының кандидатурасын қабылдап үлгермегенін айтты. Кейінірек ОСК өзінің Facebook парақшасынан аталмыш хабарламаны өшіріп тастады. Жазба жарияланғаннан кейін он минут өтпей жатып бұл ақпарат өшірілді.

Бұған дейін Ливияның бұрынғы басшысының ұлы елді басқарғысы келетіні туралы айтқанбыз. Ол құжаттарын Ливияның оңтүстігінде орналасқан Себха қаласындағы аймақтық сайлау комиссиясына ұсынған болатын.