Ауғанстандағы жарылысты ДАИШ өз мойнына алды

Желалабад аумағында болған үш жарылыстан кем дегенде екі адам қаза тауып, 20-ға жуық адам жараланған

фото: twitter.com/TOLOnews

Ауғанстанның шығысындағы Желалабад пен Кабул қалаларында болған бірнеше жарылыс үшін жауапкершілікті ДАИШ (Қазақстанда тыйым салынған) ұйымы өз мойнына алды, деп хабарлайды Reuters агенттігі.

«Талибан қозғалысының 35-тен астам содыры бірнеше жарылыс салдарынан қаза тапты немесе жараланды», - деп Reuters содырлар тобының мәлімдемесін келтірді.

Өз кезегінде тәліптер бұл оқиға жайлы ресми ақпарат таратқан жоқ.

Айта кетейік, Желалабад аумағында болған үш жарылыстан кем дегенде екі адам қаза тауып, 20-ға жуық адам жараланған. Ал кей мәліметтерде үш адам көз жұмғаны хабарланды.

Al Jazeera агенттігі Кабул мен Желалабад қалаларындағы жарылыстардан кем дегенде жеті адам қаза тауып, 30-ға жуығы жараланғанын мәлім етті.

×
Бұл желілік ресурстың ақпараттық өнімдері 18 жастан асқан адамдарға арналған.