Энергетика министрі болып Нұрлан Ноғаев тағайындалды

Бүгін Мемлекет басшысының жарлығымен Энергетика министрі болып Нұрлан Асқарұлы Ноғаев тағайындалды.

«Нұрлан Асқарұлы Ноғаев Қазақстан Республикасының Энергетика министрі болып тағайындалсын, ол Атырау облысының әкімі қызметінен босатылсын», - делінген Президент жарлығында.

Н.Ноғаев еңбек жолын Ақтөбе облысы, Қандыағаш станциясында электр шебері болып бастаған.

1993-1995 ж.ж. - Мәскеу қаласындағы «Гили- Паскер» ЖШС-ында мұнай өнімдері жөніндегі аға сарапшы, бөлім бастығы, бас директор;

1995-1996 ж.ж. - Алматы қаласындағы «Отрар Лтд» шағын кәсіпорны бас директорының орынбасары.

1996-2006 ж.ж – «Қазақтүрікмұнай» ЖШС-ында маркетинг жөніндегі инженер, мұнай және мұнай өнімдерін сату, маркетинг бөлімінің бастығы, бас директор;

2006 жылдың ақпан айынан бастап «ҚазМұнайГаз Ұлттық компаниясы» АҚ-ның атқарушы директоры;

2006 жылдың тамыз айынан ҚР Энергетика және минералды ресурстар министрлігі мұнай өнеркәсібі департаментінің директоры болып істеген;

2007 жылдың қыркүйегінен 2010 жылдың сәуір айына дейін - облыс әкімінің орынбасары;

2010 жылдың сәуір айынан 2012 жылдың қаңтарына дейін - облыс әкімінің бірінші орынбасары;

2012 жылдың 20 қаңтарынан 2016 жылдың 26 наурызына дейін Батыс Қазақстан облысының әкімі;

2016 жылдың 26 наурызынан 2019 жылдың 18 желтоқсанына дейін Атырау облысының әкімі;

2010 жылы «Құрмет» орденімен марапатталған. «Төтенше жағдайлардың алдын алуда және жоюда үздік шыққаны үшін» медалімен, «Қазақстан Республикасының Тәуелсіздігіне 20 жыл» мерекелік медалімен марапатталған.

Естеріңізге сала кетейік, бұған дейін Энергетика министрі болған Қанат Бозымбаев денсаулығына байланысты қызметінен кетіп, Президент көмекшісі болып тағайындалды.