Қасым-Жомарт Тоқаевтың қатысуымен Нұр-Сұлтанда жастар форумы басталды

Форум бейресми форматта өтеді: Президент жастар алдында еркін сөйлеп, пікір алмасады деп күтіледі. Қасым-Жомарт Тоқаев алдымен форум өтіп жатқан «ArtHUB» шығармашылық бастамаларды қолдау орталығын аралап көрді. Бұл орталық бүгін ЭКСПО аумағында ашылып отыр.

Жастар форумына Қазақстанның аймақ-аймағынан бес жүзге тарта жас жиналды. Саяси элита өкілдері де осында. Атап айтсақ, форумда Мемлекеттік хатшы Қырымбек Көшербаев, шараның ұйымдастырушысы – Ақпарат және қоғамдық даму министрі Дәурен Абаев, Қорғаныс министрі Нұрлан Ермекбаев, Білім және ғылым министрі Асхат Аймағамбетовтер жүр.

Кенжекей Тоқтамұрат, Нұр-Сұлтан