ШұғылҚазақстанда өткен тәулікте 2443 адамнан коронавирус инфекциясы анықталды

Елбасы Ханзада Филипптің қайтыс болуына байланысты көңіл айтты

Нұрсұлтан Назарбаев ІІ Елизаветаға көңіл айту жеделхатын жолдады

Фото: Sputnik Казахстан

Елбасы Ханзада Филипптің қайтыс болуына байланысты Ұлыбритания және Солтүстік Ирландия Құрама Корольдігінің Патшайымы ІІ Елизаветаға көңіл айту жеделхатын жолдады, деп хабарлайды Azattyq Rýhy Елбасының ресми сайтына сілтеме жасап.

Нұрсұлтан Назарбаев Ханзада Филиптің өмірден өткені туралы суыт хабарды күйзеліспен қабылдады.

«Ол жарқын әрі мағыналы ғұмыр кешті. Сіздің сенімді тірегіңіз болып, ел мүддесі жолында нағыз патриот және халықаралық деңгейдегі біртуар қайраткер ретінде тарихи із қалдырды.

Ұлыбритания және Солтүстік Ирландия Құрама Корольдігіне сапарларым барысында Өзіңізбен және Ханзада Филиппен болған кездесулерде марқұмның Қазақстанға деген ілтипатты көңілі мен игі ниетін әрдайым сезетінмін.

Сіздің және туыстарыңыздың қайғысына ортақпын.

Осынау азалы сағатта, Ұлы Мәртебелі, Сізге, отбасыңызға, бүкіл Ұлыбритания және Солтүстік Ирландия Құрама Корольдігінің халқына сабыр тілеп, көңіл айтамын», – делінген жеделхатта.