Венадағы жантүршігерлік терактіні еш ақтап алуға болмайды – Тоқаев

Австрияда үш күн аза тұту жарияланды

Венадағы жантүршігерлік терактіні еш ақтап алуға болмайды – Тоқаев
Фото: akorda.kz

Қазақстан Президенті Қасым-Жомарт Тоқаев Twitter желісінде Венада болған терактіге қатысты пікір білдіріп, Австрия үкіметі мен халқының қайғысына ортақтас екенін жеткізді.

«Венадағы жантүршігерлік терактіні ешқандай ақтап алуға болмайды. Австрия үкіметі мен халқының қайғысына ортақпын. Халықаралық қоғамдастықтың күш-жігерін терроризмге, адамзатты жеккөрушілік идеологиясы мен әрекетіне қарсы тиімді біріктіру керек», деп жазды Мемлекет басшысы.

2 қараша күні кешке Австрия астанасы Вена қаласында белгісіз адамдар оқ атты. Соңғы мәліметтер бойынша, атыс салдарынан үш адам қаза тауып, 15 адам жарақат алған. Осыған байланысты ҚР Сыртқы істер министрлігі ақпарат берді.

×
Бұл желілік ресурстың ақпараттық өнімдері 18 жастан асқан адамдарға арналған.