Сооронбай Жээнбеков Бішкекте, ешқайда қашқан жоқ – баспасөз хатшысы

Қырғыз президентінің баспасөз хатшысы Толгонай Стамалиева Сооронбай Жээнбековтің қайда екенін және бұдан ары қалай әрекет ететінін айтып берді, деп жазады 24.kg.

«Қырғыз Республикасының президенті Сооронбай Жээнбеков жағдайды өз бақылауында ұстап отыр және елдегі саяси күштердің бәрі мемлекеттің мүддесін өз мүддесінен жоғары қояды деп ойлайды. Ол дәл қазір қоғамды бөліп-жаруға болмайтынын және бар күшін заңды үстемдік орнатуға жұмсайтынын айтты. Ең бірінші кезекте парламенттік сайлаудың қорытындысын тексереді», - деді Т.Стамалиева.

Жээнбеков елде болған жағдайдан кейін Орталық сайлау комиссиясына сайлауда тіркелген әрбір заңбұзушылықты жіті тексеріп, қажет болған жағдайда оның нәтижесін жоққа шығаруды тапсырды.

«Өкінішке қарай, қырғызстандықтар бұған дейін екі көтерілісті бастан өткерді және бейбітшіліктің бағасын өте жақсы біледі. Сондықтан президент Сооронбай Жээнбеков бүкіл күшін елдегі тұрақтылықты сақтауға жұмсайтын болады. Мемлекет басшысы саяси күштердің бәрін Қырғызстан мен қырғыз халқы үшін ақылға келуді шақырды», - деді президенттің баспасөз хатшысы.

Оның айуынша, Жээнбеков елді тастап ешқайда кетпеген, дәл қазір Бішкекте.