Путин БҰҰ қызметкерлеріне ресейлік COVID-19 вакцинасын ұсынды

Ресей президенті Владимир Путин БҰҰ Бас Ассамблеясында сөйлеген сөзінде COVID-19 коронавирусына қарсы «Спутник V» вакцинасы туралы айтты. 

Ол ресейлік препарат өзінің тиімділігін, сенімділігі мен қауіпсіздігін дәлелдегенін атап өтті.

Сондай-ақ, Ресей басшысы БҰҰ қызметкерлеріне вакцинациядан тегін өту туралы ұсыныс жасады.

Айта кетерлігі, Ресей әлемдегі COVID-19 вакцинасын тіркеген алғашқы ел болды. Препаратты Гамалея атындағы НИИЭМ Ресейдің тікелей инвестициялар қорымен бірлесіп әзірледі. Ол «Спутник V» деп аталды.