Тоқаев: Шәмшінің туындыларын насихаттау – бүгінгі ұрпақтың парызы

Президент Қасым-Жомарт Тоқаев Twitter-дегі парақшасында Шәмшінің туындыларын насихаттау – бүгінгі ұрпақтың парызы екенін және оның шығармашылығы ұлттың баға жетпес байлығы екенін жазды, деп хабарлайды Azattyq Rýhy тілшісі.

«Бүгін еліміздің Әнұраны «Менің Қазақстаным» әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы», - деп жазды Қасым-Жомарт Тоқаев.

Естеріңізге сала кетсек, бүгін аты аңызға айналған сазгер, қазақ вальсінің королі Шәмші Қалдаяқовтың туғанына 90 жыл толды.