Президент бұл мәселені Білім, Экология, Ақпарат министрліктері қарастыруы керек екенін айтты
Президент Қасым-Жомарт Тоқаев азаматтардың «Көбейтұз» көліне келтірілген орасан зор зиянға қатысты алаңдаушылығы орынды екенін жазды, деп хабарлайды Azattyq Rýhy тілшісі.
«Азаматтардың табиғи демалыс орындарындағы жаппай мәдениетсіздігі тоқтамай тұр. Отандастарымыздың ерекше қызғылт түсті «Көбейтұз» көліне келтірілген орасан зор зиянға қатысты алаңдаушылығы орынды. Бұл жағымсыз әрекеттер өскелең ұрпаққа жүргізілетін экологиялық ағарту жұмыстарының түйткілдерін ашып берді. Білім, Экология, Ақпарат министрліктері бұл мәселені жұмыстарының басым бағыты ретінде қарастыруы керек», - деп жазды Президент Twitter-де.