Ауыс-түйіс: Асқар Жұмағалиев пен Бағдат Мусин қызметінен босатылды

Мемлекет басшысының жарлығымен Асқар Қуанышұлы Жұмағалиев Қазақстан Республикасының Цифрлық даму, инновациялар және аэроғарыш өнеркәсібі министрі қызметінен босатылды.

Мемлекет басшысының өкімімен Бағдат Батырбекұлы Мусин басқа жұмысқа ауысуына байланысты Қазақстан Республикасы Президентінің цифрландыру және инновациялық технологиялар жөніндегі кеңесшісі қызметінен босатылды.

Еске сала кетейік, 10 шілде күні Мемлекет басшысының қатысуымен өткен Үкіметтің кеңейтілген отырысында Қасым-Жомарт Тоқаев екі аптадан кейін жағдай (пандемия) түзелмесе, жалпы Үкіметтің осы құрамда жұмыс істеу мүмкіндігі туралы мәселе туындайтынын айтқан.