Сондай-ақ Президент облысқа дәрі-дәрмек жеткізілетінін айтты
ҚР Үкіметі Атырау облысына дәрігерлер жіберіп, дәрі-дәрмек жеткізеді. Бұл туралы Президент Қасым-Жомарт Тоқаев мәлімдеді, деп хабарлайды Azattyq Rýhy тілшісі.
«Атырау облысындағы ахуал туралы қоғам өкілдерінің шағымдарымен таныстым. Премьер-Министрдің орынбасары бастаған комиссия аймаққа барып қайтты. Үкімет өңірге дәрігерлер жібереді, дәрі-дәрмек жеткізіп, көмектеседі», - деп жазды Қасым-Жомарт Тоқаев Twitter-де.
Айта кету керек, Атырау облысында 7393 адам коронавирус жұқтырды. Оның 4729-ы жазылып шықты, 13 науқас қайтыс болды.