Олар енгізілген шектеулерге қарамастан жұмысын жалғастыра берген
Шығыс Қазақстан облысының полиция қызметкерлері төтенше жағдай режимін бұзған кәсіпкерлерді жауапқа тартуда, деп хабарлайды Azattyq Rýhy тілшісі ШҚО полиция департаментінің баспасөз қызметіне сілтеме жасап.
«Өскемен қаласындағы лоундж-бар иесі заңмен бекітілген шектеулерге қарамастан сағат 22.00-ден кейін жұмысын жалғастыра берген. Ер адам әкімшілік жауапкершілікке тартылып, 15 күнге қамауға алынды. Бұдан бөлек, Семейдегі қоғамдық тамақтану орындарын жалға алған екі кәсіпкер 5 күнге қамалған. Күн сайын тәртіп сақшылары әкімдікпен және өңірдегі тауарлар мен көрсетілетін қызметтердің сапасы мен қауіпсіздігін бақылау департаментінің мамандарымен бірлесіп рейд жүргізуде. 31 наурыз күні ТЖ режимін бұзған 7 кәсіпкер анықталған», - деп хабарлады ведомство өкілдері.
Естеріңізге сала кетсек, Қазақстанда 16 наурыз бен 15 сәуір аралығында төтенше жағдай жарияланған болатын.