Әлемде 32 миллионнан астам адам коронавирус жұқтырды

Бейсенбіде әлемде коронавирустық инфекцияның анықталған жағдайларының саны 32 миллионнан асты, деп хабарлайды Azattyq Rýhy тілшісі ТАСС-қа сілтеме жасап. 

Бұған халықаралық ұйымдардың, федералды және жергілікті билік органдарының ақпараты негізінде есептеулер жүргізетін американдық Джонс Хопкинс университетінің сайтында жарияланған мәліметтер дәлел бола алады. 

Университеттің мәліметінше, қазір жұқтырғандардың саны 32 039 142 құрайды, 979 388 адам қайтыс болды, 22 024 644 адам сауығып кетті. Инфекцияның ең көп жағдайлары (6 954 456) АҚШ-та тіркелген. Одан кейін Үндістан (5 732 518) және Бразилия (4 624 268) тұр.