25 градус аяз болады: жексенбіге арналған ауа райы болжамы жарияланды

«Қазгидромет» РМК жексенбіге арналған ауа райы болжамын жариялады, деп хабарлайды Azattyq Rýhy.

Батыс өңірлер (БҚО, Атырау, Маңғыстау, Ақтөбе)

Батыс өңірлерде негізінен жауын-шашынсыз, түнде және таңертең тұман түседі. Кей аудандарда жаңбыр мен қар жауып, көктайғақ болуы мүмкін. Жел оңтүстік-батыс, оңтүстік-шығыс бағыттан 7-14 м/с, кей жерлерде 15-20 м/с дейін күшейеді. Ауа температурасы түнде 0…+10°, кей жерлерде -3° дейін төмендеп, күндіз +9…+20° жылы болады.

Солтүстік және орталық өңірлер (Астана, Ақмола, Қостанай, СҚО, Павлодар, Қарағанды, Ұлытау)

Бұл өңірлерде жаңбыр мен қар, көктайғақ, боран күтіледі. Әсіресе Солтүстік Қазақстан мен Қостанай облыстарында түнде қар жауып, жел 15-23 м/с дейін күшейеді. Түнгі ауа температурасы -11…0°, күндіз -1…+7° аралығында.

Шығыс өңірлері (ШҚО, Абай облысы)

Шығыс аймақта күн суық әрі жауын-шашынсыз. Түнде қатты аяз -11…-25° дейін төмендеуі мүмкін. Кей аймақтарда тұман мен көктайғақ күтіледі. Күндіз -5…+5° аралығында. Өскемен мен Семейде түнгі аяз қатты сезіледі, жел 12-20 м/с-қа дейін күшейеді.

Оңтүстік өңірлер (Алматы, Жетісу, Түркістан, Қызылорда, Жамбыл)

Оңтүстікте жауын-шашынсыз, күн жылы. Түнде -4…+5°, күндіз +10…+18° аралығында. Таулы аудандарда тұман болуы мүмкін. Алматы, Тараз, Шымкент және Түркістанда күн ашық, температура +11…+17°. Жел көбіне солтүстік-шығыстан 5-14 м/с, кей жерде 15-20 м/с дейін жетеді.