Астанада Ұлы Дала даңғылының жалғасы ашылды

Астанада Ұлы Дала даңғылының Ж.Нәжімеденов көшесінен А.Байтұрсынұлы көшесіне дейінгі аралығында көлік қозғалысы ашылды, деп хабарлайды Azattyq Rýhy.

Астана әкімдігінің мәліметінше, енді көлік жүргізушілері жаңа жолмен қатынай алады.

Ұлы Дала жобасы аясындағы құрылыс-монтаж жұмысы әлі де жалғасып жатыр. Жоспарға сәйкес, жолдың бір жағында инженерлік желілер тартылып жатыр. Екінші жағында жаяу жүргіншілердің қауіпсіздігі мен қолайлылығы үшін тротуар салу жұмыстары жүргізілуде. Аумақты абаттандырудың толық кешені 2026 жылы аяқталмақ.

«Аталған учаскенің ашылуы ауданның көлік қозғалысын жақсартып, тұрғындардың жол жүру уақытын қысқартуға мүмкіндік береді», – делінген әкімдік хабарламасында.