Шілде нөсерлі жауынмен басталады – Қазгидромет

Шілде айының алғашқы күндері республиканың басым аумағында тұрақсыз ауа райы сақталады, деп хабарлайды «Қазгидромет» синоптиктері.

Жауын жауып, күн күркірегенімен, күн айтарлықтай суымайды.

«Қазақстанның басым бөлігіне Оңтүстік Каспий циклоны әсер етеді. Күн күркіреп, жаңбыр жауады, орталық аймақта кей жерлерде қатты жаңбыр күтіледі, бұршақ жаууы мүмкін. Кей жерлерде жел күшейіп, жекелеген аудандарда дауыл соғады, оңтүстікте шаңды дауыл болады. Ауа температурасының айтарлықтай төмендеуі күтілмейді», - делінген аталған хабарламада.