Қар аралас жаңбыр жауады: алдағы демалыс күндеріне арналған ауа райы болжамы жарияланды

«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Azattyq Rýhy.

Синоптиктердің болжамынша, Атлант мұхитының циклонының әсерінен Қазақстанның басым бөлігінде ауа райы тұрақсыз болады, жаңбыр мен қар түрінде жауын-шашын күтіледі, тұман, көктайғақ және төменгі бұрқасынмен бірге желдің күшеюі болжанады.

Республиканың оңтүстігі мен оңтүстік-шығысында жауын-шашынсыз ауа райы күтіледі.

«Ауа температурасының негізгі фоны күндіз батыс өңірлерде +5...+15°С, солтүстік-батыста 0...+10°С, солтүстік, шығыс және орталық аймақтарда -3...+2°С, ал оңтүстік және оңтүстік-шығыста +5...+15°С шамасында болады», – делінген синоптиктер болжамында.