Астанада екі көлік соқтығысып, біреуі қарсы бағытқа шығып кетті (ВИДЕО)
Оқыс оқиға Қорғалжын тасжолында болды
Астанада Audi мен Volkswagen маркалы көліктер соқтығысқан жол-көлік оқиғасы болды. Соның салдарынан жеңіл көліктердің бірі қарсы бағытқа шығып кетті, деп хабарлайды Azattyq Rýhy.
Instagram желісіндегі Аstana__sergek аккаунтында Астанадағы Қорғалжын тасжолында болған жол апаты туралы видео жарияланды.
«Жолақтан жолаққа жиі және шұғыл ауысып, маневр жасайтын жүргізушілер жол апатын жасады», – деген тақырыппен видео жарияланған.
Аталған жарияланымға қатысты түсініктеме берген елордалық патрульдік полиция былай деп түсініктеме берді:
«Audi көлігінің жүргізушісі Қорғалжын тасжолымен жүріп келе жатып, жолақ ауыстыру кезінде маневр қауіпсіздігіне көз жеткізбей, өзімен бір бағытта келе жатқан Volkswagen автокөлігімен соқтығысқан», - делінген ПД түсініктемесінде.
