Оның финалдағы қарсыласы әлі белгісіз
Қазақстандық теннисші Анна Данилина Токио қаласында өтіп жатқан WTA 500 сериялы турнирінің финалына жолдама алды, деп хабарлайды Azattyq Rýhy Қазақстан теннис федерациясына сілтеме жасап.
Данилина сербиялық серіктесі Александра Круничпен бірге жапон теннисшісі Сюко Аояма мен испаниялық Кристина Букшаны 6:2, 6:3 есебімен айқын жеңді.
Қарсыластары финалға өтетін тағы бір жұп анықталғаннан кейін белгілі болады.
Қазақстандық-сербиялық дуэт маусымның басты жарысы — WTA жыл қорытынды турниріне жолдама үшін күресіп жатыр.
Қазіргі жағдай бойынша, чемпиондық додада — 9-орында. Топ-8 — финалға қатысуға құқық береді. Токиода жеңіске жетіп, Қытайдағы WTA 250 турнирінде де сәтті өнер көрсету қажет.
Айта кетсек, турнир барысында тағы бір қазақстандық теннисші Елена Рыбакина жартылай финал алдында арқа жарақатына байланысты жарысты мерзімінен бұрын аяқтаған болатын.