Қытай студенттері жеңімпаз атанды
Астана халықаралық қаржы орталығының сотында жыл сайын өтетін «AIFC Court Moot 2025» студенттік сот жарысы өтті. Байқауға АХҚО Сотының аға судьялары төрелік етті, деп хабарлайды Azattyq Rýhy.
Сот процесінің үлгісі ретінде ұйымдастырылған бұл байқауда студенттер ойдан шығарылған іс бойынша өз дәлелдерін жазбаша және ауызша түрде қорғады. АХҚО Сотының аға судьялары олардың құқықтық ұстанымдарын, аргументациясын және көпшілік алдында сөйлеу машықтарын бағалады.
Мұндай формат болашақ заңгерлерге заңды талдау жасау, кәсіби шешім қабылдау және сот процесінде сенімді сөйлеу қабілеттерін дамытуға мүмкіндік береді.
Байқаудың финалына Мақсұт Нәрікбаев университетінің (Астана, Қазақстан) және Шығыс Қытай Саяси ғылымдар және құқық университетінің (Шанхай, Қытай) студенттері өтті. Финалдық кезеңді АХҚО Сотының төрағасы Мэлдон Лорды Бернетт және басқа да аға судьялар бағалады.
Жеңімпаз атанған Шығыс Қытай Саяси ғылымдар және құқық университетінің студенттері. Ал финалға шыққан барлық қатысушылар АХҚО мен Халықаралық төрелік орталығында (ХТО) тағылымдамадан өту мүмкіндігіне ие болды. 2018 жылы құрылғаннан бері АХҚО Сотының студенттік сот процесі байқауы Қазақстан мен Еуразия өңіріндегі құқық саласындағы жас мамандарды қолдаудың маңызды алаңына айналды.
АХҚО Соты мен Халықаралық төрелік орталығының тренинг орталығы арқылы 4500-ден астам адам халықаралық құқық, коммерциялық дауларды шешу және құқық үстемдігі қағидаттары бойынша тегін білім алды. Сондай-ақ, 220-дан астам студент АХҚО мен ХТО базасында тағылымдамадан өтті.
Жыл сайын Қазақстан мен Еуразия елдерінен жүздеген студент АХҚО Соты мен ХТО ұйымдастыратын сот, арбитраж және медиация процестерінің байқауларына қатысады. Бұл жарыстар өңірдегі құқықтық мәдениетті дамытуға, инвесторлардың құқықтарын қорғауға және халықаралық сот жүйесіндегі сенімді арттыруға ықпал етеді.
АХҚО және ХТО сотының тіркеушісі әрі аппарат басшысы Кристофер Кэмпбелл-Холт атап өтті.
«Біз АХҚО Сотының студенттік сот процесі байқауы сегіз жыл қатарынан өтіп, университеттердің оқу бағдарламасының маңызды бөлігіне айналғанын мақтан тұтамыз. Бұл жарыстар студенттерге нақты сот істерінде адвокатура машықтарын үйренуге және қолдануға мүмкіндік береді. Студенттердің деңгейі жылдан-жылға артып келеді», - деді ол.