Қарағандыда ірі көлемде психотроптық заттарды заңсыз тасымалдаған күдікті ұсталды

Күдікті Астананың 40 жастағы тұрғыны екені анықталды

Фото: Polisia.kz

Қарағандыда ірі көлемде психотроптық дәрі-дәрмектерді заңсыз тасымалдаған күдікті ұсталды, деп хабарлайды Azattyq Rýhy.

Тексеру кезінде анықталғандай, 40 жастағы Астана қаласының тұрғыны жүргізген көліктен Тропикамид препаратының 82 қаптамасы, Прегабин Рихтер 30 препаратының 6 қаптамасы және Мидакс препаратының 240 қаптамасы тәркіленді.

Барлық препарат сараптамаға жіберілді. Аталған факті бойынша есірткі және психотроптық заттардың заңсыз айналымы бабы бойынша қылмыстық іс қозғалды.

Қазіргі таңда тергеу амалдары жүргізілуде. Полицейлер күдікті мен оның сыбайластарын анықтау және тәркіленген препараттардың шығу арналары мен таралу жолдарын зерттеу бойынша жұмыстарды жалғастыруда.

Мақалада

#Қарағанды облысы #есірткі #синтетикалық есірткі #есірткіге тәуелділік #есірткі саудасы #есірткімен күрес

Алдыңғы жаңалық

Тоқаев: «е-Otinish» пен «е-Gov» арқылы түскен барлық ой-пікірді сараптап, зерделеу қажет