Атыраулық фельдшер пойызда жолаушының өмірін құтқарып қалды

«Атырау – Алматы-2» бағытындағы №42 пойызда жолаушының жағдайы күрт нашарлаған. Әйел адамда астма ұстамасы басталып, жедел медициналық көмек қажет болды, деп хабарлайды Azattyq Rýhy.

Оқиға Қызылорда станциясынан кейін болған. Сол сәтте пойыздың келесі аялдамасына дейін шамамен бір жарым сағаттай уақыт болған.

Радиобайланыс арқылы көмек туралы хабар тараған соң, жедел жәрдем фельдшері Ермағанбет Ынтымақ дереу әрекет етіп, науқасқа алғашқы медициналық көмек көрсетті.

Фельдшер жолаушының тынысын қалпына келтіріп, жағдайын медициналық бригада келгенге дейін бақылауда ұстаған.